Umsýsla vsk flokka felst í einfaldri skráningu allra stýriupplýsinga er varða vsk.
Upplýsingarnar eru atriði eins og lýsing, prósenta, hvort flokkur sé inn eða út skattur, á hvaða bókhaldslykil bóka á vsk, á hvaða bókhaldslykil á að bóka sölu sem tilheyrir vsk flokki og hvort það megi yfirskrifa reiknaðann vsk í skráningu.
Innskráningarsvæði merkt með stjörnu (*) þarf að fylla út. Vsk flokkar eru síðan tengdir við bókhaldslykla.
Kerfinu fylgja tilbúnir vsk flokkar og er því ólíklegt að notendur þurfi eitthvað að eiga við þá.
Lykill: Einkennislykill fyrir vsk flokkinn. Notað “U” fyrri útskattslykla og “I” fyrir innskattslykla og svo hlaupandi númer.
Lýsing: Lýsing eða nafn á vsk flokknum.
Prócenta: Prósenta fyrir vsk flokkinn.
Inn- eða útskattur: Segir til um hvort vsk flokkurinn sé fyrir inn-, eða útskatt.
Bókhaldsl. fyrir bókun vsk: Segir til um á hvaða bókhaldslykil bóka á vsk sem tilheyrir flokknum. Ef skráð er vsk prósenta krefst kerfið þess að skráður sé bókhaldslykill.
Bókhaldsl. fyrir bókun sölu: Segir til um á hvaða bókhaldslykil bóka á sölu sem tilheyrir flokknum. Ef vsk flokkur er útskattur krefst kerfið þess að skráður sé lykill fyrir bókun á sölu.
Má yfirrita reikn. vsk: Segir til um hvort það megi yfirskrifa vsk sem kerfið reiknar í skráningu færslna sem tilheyra vsk flokki. Í skráningu er þó alltaf gert ráð fyrir að breyta megi útreiknuðum vsk um +- 2 kr. til þess að gera ráð fyrir þörf á afrúnnun.
