Þegar búið er að skrá inn upplýsingar um innkaup og birgja á vöruspjald er hægt að byrja að skrá og senda pantanir til birgja.
Í viðmóti þessarar síðu þarf að velja birgja og hvort sýna eigi aðeins vörur undir birgðalágmarki eða allar vörur birgjans.
Þegar smellt er á Sækja birtast allar þær vörur sem skráðar eru birgjan.
Hægt er að skrá upplýsingar í Vegna/verk og Athugasemd reiti á innkaupapöntuninni ásamt því að velja dagsetningu og lager sem verið er að panta inn á.
Taflan sem birtist mun innihalda allar þær vörur sem tengdar eru birgjanum. Í töflunni eru upplýsingar sem ættu að hjálpa til við ákvarðanatöku í innkaupaferlinu. Þar má nefna sölu í seinasta mánuði, sölu í núverandi mánuði, dagsetningu á seinustu pöntun og hversu mikið magn af vörunni er nú þegar búið að panta og er í pöntun.
Einnig er hægt að finna birgðastöðu á öllum lagerum fyrir vöruna. Birgðastaðan er annaðhvort lituð græn, sem þýðir að varan sé yfir lágmarksbirgðum eða lituð rauð, sem þýðir að birgðastaðan er komin undir lágmarks birgðastöðu.
Í næst seinasta dálk er síðan upphæðin sem kerfið stingur upp á að panta. Ef birgðastaðan er í lagi stingur kerfið ekki upp á að panta neitt en ef birgðastaða er undir öryggismörkum mun kerfið stinga upp á því magni sem skráð var á vöru.
Hægt er að yfirskrifa þessar tölur auðveldlega og er hægt að flakka á milli raða með því að ýta á Tab takkann á lykl aborði.
Magnið sem slegið er inn í dálkinn Pöntun er magnið sem mun skrást á innkaupapöntunina þegar smellt er á Skrá innkaupapöntun.
Þegar pöntunin er tilbúinn til skráningar þarf að smella á Skrá innkaupapöntun, hægt er að senda hana jafnóðum með tölvupósti ef hakað er við Senda í tölvupósti.
Að þvi loknu mun verða til innkaupapöntun:
Þegar innkaupapöntun er skráð á þennan hátt er auðvelt og þæginlegt að skrá innkaupin inn í bókhald og birgðakerfi þegar vörur berast.
Ferlið verður útskýrt nánar í kaflanum Innkaupaskráning.